1619 Сентября 30. Письмо Инокини Марфы патриарху Филарету, о прибытии в Троицкий Унженский монастырь.

1619 Сентября 30. Письмо Инокини Марфы патриарху Филарету, о прибытии в Троицкий Унженский монастырь.

Великому во благочестии и вышеестественному в подвизех, терпения столпу, произволением же ангелу, великому государю отцу и владыце, святейшему Филарету Никитичю, Божиею милостию патреарху Московскому и всеа Русии, старица Марфа вашему святителству челом бьет. Возвещаю, государь, вашему святителству, яко сын ваш, вкупе же и мой, Царь и Великий Князь Михайло Федорович всеа Русии и я во обитель святые и единосущные, пребезначалные Троицы и великого в чюдесех преподобнаго отца Макария Унежского, Желтоводцкого чюдотворца, пришли есмя Сентября в 29 день к вечеру, дал Бог, здорово; и у целбоносного гроба чюдотворца Макария святым его молитвам себе предложихом. А из монастыря, государь, пребезначалные Троицы и великого чюдотворца  Макария пойдем Октября в 1 день. Ваше же превосходящее святителство молим, да возселеши о нас ко Творцу всей твари, всесилному Богу и пречистей Его матери чесныя ваши и Богу приятныя молитвы, яко да сподобит нас Бог путное се шествие прейти благовременно и к царствующему граду прийти здравым и целовати вашего святителства руку со усердием и стопам вашим поклонитися и челом ударити.

Отпуск писан столбцем, на одном листке. Внизу момета: С  Еуграфом Елизаровым, Сентября въ 30 день.